(فن إدارة الذات – مهارات التنظيم (الجزء الأول

متعة.. متعة اننا نتفرج على التطور في الذوق والإبداع..
الممثل اللي بيفوز بأوسكار بيكون مر بسنين طويلة وتحديات واحباطات ومعوقات لحد ما يوصل لمشهد انه شايل تمثال أوسكار
لما بنتفرج على الممثل، وبالذات لما بنفتكر بداياته وبعدين نشوفه وهو واقف ثابت وسعيد وهو بيتكرم بنعجب بيه جدًا على مثابرته وصبره..
الممثل فنان في التمثيل، والإنسان فنان في الإدارة، فيه فنان هيهمل ممارسة فنه وبالتالي هتروح عليه.. وفيه فنان هيمارس الفن، بصبر وثبات وتفاني ومثابرة.. لحد ما يتحول هو وفنه واحد.. انت مين فيهم؟
إدارة الذات فن، محتاج ممارسة والأهم محتاج استمتاع.. هي مش خناقة مع نفسي علشان أديرها، هي علاقة مع نفسي علشان أفهمها واحبها.. واتحول من بس مدير لقائد.. والفرق بين المدير والقائد فرق رهييييب…
البداية ايه؟ إننا نتعلم ندير..
وبعدين؟ وبعدين نقود..
دير ذاتك زي الفنان.. وتخيل نفسك فايز بأوسكار أحسن مدير لذاته.. لأن ذاتك مالهاش غيرك ولا انت سايبها لحد تاني يديرها؟
ده تالت جزء وسبت ورا سبت نتعلم ازاي ندير ذاتنا

Share